தென் ஆப்பிரிக்காவுக்கு எதிரான டி20 தொடர்: ஹர்திக் பாண்டியா தலைமையில் புதிய இந்திய அணி?

தென் ஆப்பிரிக்காவுக்கு எதிரான டி20 தொடர்: ஹர்திக் பாண்டியா தலைமையில் புதிய இந்திய அணி?

ஐபிஎல் 2022 தொடர் மே 29ம் தேதி முடிவடைந்த பிறகு ஜூன் 9 முதல் தென் ஆப்பிரிக்காவுக்கு எதிரான 5 போட்டிகள் கொண்ட டி20 தொடர் வருகிறது. இதில் சீனியர் வீரர்களுக்கு ஓய்வு கொடுத்து விட்டு ஹர்திக் பாண்டியா தலைமையில் இளம் இந்திய அணியை களமிறக்க பிசிசிஐ பரிசீலித்து வருகிறது என்று தகவல்கள் வெளியாகியுள்ளன.

தென் ஆப்பிரிக்காவுக்கு எதிரான 20 ஓவர் தொடரில் இந்திய அணியின் கேப்டன் ரோகித் சர்மா ,விராட் கோலி ,கே.எல்.ராகுல் ,பும்ரா ,ரிஷாப் பண்ட் ஆகியோருக்கு ஓய்வு அளிக்கப்படவுள்ளது என்று கூறப்படுகிறது. அனைவரும் ஐபிஎல் போட்டிகளில் ஆடி கடும் களைப்பில் இருப்பார்கள், மேலும் பயோபபுள் என்ற ஒரு கொரோனா பாதுகாப்பு வளையத்தில் இருப்பதென்பது மன உளைச்சலுக்கான தருணமாகும்.

இதனால் இந்த தொடரில் இந்தியா அணியின் கேப்டனாக ஹார்திக் பாண்டியா ,அல்லது ஷிகர் தவான் நியமிக்கப்படலாம் என தகவல் வெளியாகியுள்ளது.

ஹார்திக் பாண்டியா இந்த ஐபிஎல் தொடரில் குஜராத் அணியின் கேப்டனாக சிறப்பாக செயல்ப்பட்டு வருகிறார்.என்பதால் அவர் கேப்டனாக நியமிக்கப்பட அதிக வாய்ப்பிருப்பதாக கூறப்படுகிறது .

இந்திய உத்தேச அணி (இப்படியாக இருக்கலாம்) :   ஹர்திக் பாண்டியா, ஷுப்மன் கில், வெங்கடேஷ் அய்யர், ஷிகர் தவான், ருதுராக் கெய்க்வாட், தினேஷ் கார்த்திக், ஸ்ரேயஸ் அய்யர், ராகுல் திவாத்தியா, உம்ரன் மாலிக், பிரசித் கிருஷ்ணா, ஹர்ஷல் படேல், புவனேஷ்வர் குமார், ஆவேஷ் கான், செஹல், குல்தீப் யாதவ், குருணால் பாண்டியா, ஷாபாஸ் அகமட், தீபக் ஹூடா, மோசின் கான்.

உண்மையில் தினேஷ் கார்த்திக் தலைமையில் ஒரு அணியை கொடுத்துப் பார்க்கலாம். இல்லையெனில் ஸ்ரேயஸ் அய்யர்தான் சரியான தேர்வு

இன்றைய முக்கிய செய்திகள் (Top Tamil News, Breaking News), அண்மை செய்திகள் (Latest Tamil News), என உலகம் முதல் உள்ளூர் வரை செய்திகள் அனைத்தையும் நியூஸ்18 தமிழ் இணையதளத்தில் உடனுக்குடன் அறியலாம்.